اقفل انت ..لأ اقفلى انتى .. لا اقفل انت ..لا اقفلى انتى

عجيبة أمور المحبين في بلدنا! .. يا جدع فعلا بتلاقيهم بيعملوا تصرفات بتكون بالنسبه لك قمة في الرزالة وتقل الدم.. انما بالنسبه ليهم .. رومانسية و حب!
يا أخي تلاقيهم بيشوفوا بعض في كليتهم الصبح . وبعد الضهر يكلمها يقولها وحشتني! ... يا كذاب انت لحقت! ..

ولا يكلمها يقولها وحشني صوتك ...هو يعني اتغير فيه حاجة! .. ماهو هو ! ولا زاد عليه نغمتين ولا هيبقى صوت ام كلثوم!

المشكلة بقة انه فعلا رزق الهبل ع المجانين! .. والله انا بحسد شركات الموبايل في بلدنا على الذهب اللي بيكسبوه من الهبل دول! .. ممكن يتكلموا مكالمه ساعه.. نصها ساعتين بيسمعوا تنهيدات بعض .. والنص التاني يقولها وحشتني ..ومقدرش اعيش من غيرك ... ولا الكارثة بقه .. في آخر المكالمة .. خد عندك بقه ربع ساعة (اقفل انت .. لأ اقفلي انتي) ..وصباح الملل والناس الفاضية ..يا عم ما تقفل انت ماهو الغلبان اللي طالب هو اللي بيكع !

المفروض نتفق على حاجة ..

يعني عشان نوفر في الفلوس يا جماعة .. بص يابني .. بدال ما كل مكالمة تقعد تقول : وحشتيني .. بحبك .. بموت فيكي .. حياتي من غيرك ملزقة والحوارات دي .. اتفق على حاجة .. يعني أول ماتكلمها .. قولها .: عارفة الاسطوانه اياها ..؟ هتقولك .. ايوه يا مضروب .. ويبقى خلاص .. وفرتوا الفلوس والوقت ! وتدخلوا في المهم .. وبما انه مفيش مهم .. نوصل لآخر المكالمة .. وطبعا تنسى موضوع اقفل انت و انتي.. احنا نتفق ان اللي هيقفل ا الآول هو اللي بيحب التاني أكتر .. عشان مش عايز يسمع صوتوا كتير عشان ميزهقش منه! انت اشفهمك في الحب يا بني! .. اسألني أنا!

بذمتكم ...شوفتوش هيافة اكتر من كدة؟؟؟؟

شوفتو حال شبابنا وصل لايه؟!!!

الكود:

[quote][hr][list=1][*][list][*][justify][right][/right][/justify][/list][/list][/quote]

ههههههههههههههههههههههههههههههههههههههههههههههههه ايه رايكو

جميله بجد يا بندق هههههههههههه

ههههههههههههههههههههههههههههههههههههههههههه ماشى يالولو نورتينى بتعليقك والله اهم حاجه انها عجبتك

اه والله جميله بجد ميرسي لحضرتك

هههههههههههه جميله والله عندك حق

كلام عقلانى بس وقت التنفيذ بتذهب العقول ههههه

هههههههههههههههههههههه اه والله العظيم عندك حقبس هنعمل ايه المشكله ان الكل بيعمل كل الكلام ده

هههههههههههههههههههههههههههههههههههههههه .. بجد موضوعك تحفة ياباندوك ...
وبالزبط هو ده اللي بيحصل ^ـ^ بس زي ماحضرتك قلت .. بتبقى بالنسبة ليهم قمة

الرومانسية ولحظات لا يمكن ان تنسى وبلاش نتريق عليهم كتير لانو في يوم
هنبقى في مكانهم ومانعرفش احنا هنعمل ايه