كابتن هريدي

مباراة تشلسي & كفر ابو المزامير انسى الهم

نظرا لتاخر الحمار الذي يقل المعلق الرياضي الكبير عن الحضور الى اقصى صعيد مصر

حيث المباراة الهامة بين فريق كفر ابو المزامير وفريق تشيلسي الانجليزي

بمناسبة يوم الكفر الوطني ..

.اضطرت ادارة التليفزيون الى الاستعانة بالخبير الرياضي هريدي عبد الصمد

للتعليق على احداث هذه المباراة الهامة

وقد وافق مشكورا الكابتن الكبير هريدي على التعليق


هريدي : نسوانا وردالتنا واخوانا اهل الكفر ..

مستر هريدي يحييكم من امام الشومة لنقل الوصف التفصيلي لمباراة تشل سييي وكفر ابو المزامير ...

وجبل ما نبدا المباراة نشكر ابونا العمدة على تشريفه لهذا اللقاء

كما نشكر شيخ الغفر والغفر كلهم الواد صابر وحسنين ونجاتي وابومصطفى

والواد ابو اسماعيل وبالمناسبة اذكره بشوال الدقيق

اللي جاء استلفهم مني لما مرته كانت بتولد وجالي جري يجولي مرتي بتولد

والقرن طافش وعايزين نخبز للمولود الجديد ومن يومها وما وراني وشه *** ال.....


يتدخل المخرج منبها كابتن هريدي :ياكابتن احنا على الهواء ما يصح هذه الالفاظ.

هريدي : عذرا يا نسوانا وردالتنا على العموم هذا ماهو موضوعنا نرجع للمباراة ..

نسيت كمان اشكر الولية مرتي ام عبد الدبار على طاجن الكشك اللي عملته لي

دكهي النهار بس ياولية يامفترية تعملي الطاجن بمرقة اللحم وتاكلي انتي اللحم

وتجيبي لي الطاجن معدوم لحم ياولية ياا.......


يتدخل المخرج منبها مرة ثانية كابتن هريدي : ياكابتن اللعيبة نزلت الملعب علق على المباراة

الله يخليك هتوديني في داهية

هريدي : نسوانا وردالتنا اللعيبة الان دخلوا لارض الملعب ماشاءا الله عددهم يسد عين السمس ...

وياسلام على الجفاطين اللي لابسنها ماركة الواد سيد الترزي ...

والعمم مضبوطة ياردالة شكلنا اليوم عنتفرج على مباراة دوية ...

ونزل الان فريج تشيلسي العنجليزي ياعيب الشوم يخرب بيت ابوهم ياولد طخهم ياولد طخهم ياولد..

نازلين لابسين شورتات وركبهم باينة

ياسلام عليك ياحضرة العمدة وعجلك السليم حضرة العمدة


يأمر الغفر بالاتيان بسراويل فلاحينا ام رباط على الجنب

ويامر فريج تشيلسي بلبسها ..حيوا معي ياولد حضرة العمدة حافظ الامن والامان بالكفر


هريدي : فريجنا مكون من 15 عشرة لاعب اساسي حاولوا يضحكوا علينا

ويجولوا ان الفريق يتكون من 11 لاعب لكن على مين

جفلت مع المدير الفني لفريج الكفر وجال هلعب بال15 لاعب 5 حراس مرمي

واحد تحت الخشبة وااربعة فوج الخشبة وال10 لاعبين هههع ..

ياسلام عليك يافاهم انتي ياواعي متعلم برا ياولاد

ماتنسوا ابوه الحج برعي ارسله برا الكفر الى بندر الكفر عشان يكمل تعليمه في الخارج.

.والله التعليم حلو ياولاد

هريدي : اصطف الفريجين وبيحيوا بعضياتهم

بس انا ملاحظ في اثنين من فريجنا متلثمين ما تخافوا كابتن هريدي يجولكم السر

الاتنين دولهم عليهم تار بايت من عيلة ابوسويلم واحنا من موجعنا هذا نناشد عيلة ابوسيلم

بتجبل الفدية وعفا الله عما سلف خصوصا وانهم رؤوس حربة فريج الكفر

هريدي : وبدأت المباراة الكورة مع الولد الافريجي اللي بيجولوا عليه درودبا والله ولد عفي

ينفع يدور طاحونة الكفر ياريت ياعمدة تفكر نتعاجد مع الولد ده .

.ياسلام عليك ياصميدة شاف الولد درودبا بيتنتطط بالكرة جام نط عليه وبالشومة على جفاه ويخطف منه الكورة مبارة,القرن,.....,(تشلسي,Vs,كفر,ابو,المزامير,) , , انا سويسى , مبارة القرن ..... (تشلسي Vs كفر ابو المزامير )

وينفخها بعيد في الهواء الله عليك ياصميدة تستاهل البت سعدية ياولد مش عارف ابوها الواطي مش موافج عليك ليه دانت ...

المخرج مستغيثا : ياكابتن هريدي ركز في المباراه

هريدي : وهدمة حلوة لولاد الكفر الكورة تذهب لخط وسطنا جناوي

ياسلام عليك ياجناوي حريف الكفر ياولد شايفين الواد عمل ايه دس الكورة تحت الجفطان وما احد عارف وين الكورة

وماشي بيها وفجاة يطلع الكورة ويضربها بعيد ...

هااااااااااااااااااااااااا الكورة تصل لرأس حربتنا مش عارف افسرهو مين لانه متلثم يخرب بيت ابوكم ياعيلة ابوسويلم

ياسلام الواد بينط في الهوا واه واه واه واه الواد ابو دم ازرق العنجليزي

اللي بيسموه لاموبردا بينط هو كمان في الهوا لكن ياسلام رفسة حلوه من رجل راس حربتنا في بطن الواد لاموبردا

ايه الدلع ده يابوي الواد ولا كانه داسه الجطار نزل ملوي في الملعب لكن حكمنا الهمام العجيزي ولا سأل فيه

والكورة تاخد طريجها للامام وينطحها راس حربتنا لراس الحربة التاني كرة حلوة ياردالة

وياسلام الولد فط في الهوا وها ينطح الكورة بالعمة واه واه واه واه واه الكرة تجطع شباك مرمى تشلسي.


هريدي : دووووووووووووووووووووووووووووووووووووووووووووووووو وووول

هريدي : دول دول دول دول دول دول ...

اضرب النار ياولد ياسلام على انغام مدافع غفر الكفر الهمام تحتفل الجماهير بالدول الاول لفريج الكفر .......

الواد راس الحربة من فرحته شال اللثام من على وجهه وخلع العمة وطاح في الملعب جري ...

ياخبر ابيض ايه اللي بيحصل ده ضرب نار من جهة مشجعينا يانهار اسود

عائية ابوسويلم نزلت الملعب وبتجري ورا راس حربة الفريج لا ياجماعة ما يصح فين حضرة العمدة

الله دا العمدة هو كمان طلع يجري خاف من ضرب النار

اخ يابوي رصاصة مرت من فوج عمتي لالالالا ما بدهاش بأه

هريدي : نسوانا وردالتنا كابتن هريدي يعتزر لكم عن تكملة المباراة

ونلتقي بعد الفاصل وبعد اجلاء الضحايا اجري ياولد اجري ياولد....