نكت 2011 جديده لسه جايه من المصنع حالا

واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل على ان من 5000 سنه كان عندنا المحمول


واحد بيقول لصاحبه :لو صحيت الصبح ولقيت نفسك ميت هتعمل ايه ؟؟قاله واللهى العظيم أتشل فيها


واحد بينسى بطريقة فظيعة . راح للدكتور قاله بتشتكى من ايه قاله الحقنى
يا دكتور بنسى اسمى بنسى مراتى بنسى اولادى الدكتور قاله الموضوع ده بيجى لك كل قد ايه . قاله موضوع ايه


صعيدى سمع ان 100 ماتوا فى الحج قال يارب ميكونش فيهم مسلمين


واحد نايم جنب مراته فسمعت صوت، بتقوله قوم يا راجل فى حرامى فى الصاله، قالها يا شيخه نامى
جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل
الحرامى شالنى وماشى قالها روحى ماتخفيش سايبة فى البيت سبع .


مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
......رد عليه واحد قاله لوسمحت ما تخرجش عن الموضوع


مرة واحد مخنوق اوى من الدنيا كلها جرس الباب رن الساعه 10 الصبح فصحى و فتح الباب لقى وحدة مذيعة بتقله ممكن نعرف ياترى بتعمل ايه اول تقوم من النوم ؟ قالها انا بقوم من أم النوم اروح أم الحمام افتح أم الحنفية اغسل أم وشى اروح أم الاوضه اقلع أم الترنج البس ام البنطلون انزل من أم الشقة اركب أم الاتوبيس اروح أم الشغل وبعد ما ......اخلص ام الشغل ارجع أم البيت وخلاص .. قالتله المزيعة: يا فندم يلعن أم البرنامج اللى خلانا نشوف أم وشك


اربع صعايدة بيجرو
ورا القطر 3لحقوه وركبو
والرابع وقف يضحك
الناس سألوه بتضحك ليه
قال اصل التلاتة كانو جاين يوصلونى


واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة
اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم
البغل ده مفيش خوف عليكم