قال ولاد قال
تعالو شوفوا معايا حكايه الولاد من يوم ما بيتولدو لحد الجامعه
دى حاجه كده بسيطه من عندى
اول ما يتولدو تشوفهم كانهم مخلفوش قبل كده وكان الولد ده ملاك نازل من السما
تتكو خيبه ده انتم حتى بتعيطو اكتر مما احنا بنعيط واحنا اطفال
وبعدين اما يكبر شويه كل عيد ميلاد للبت تلاقى اخوها الصغير عايز عيد ميلاده يتعمل معاها
ايه اللزقه دى ياربى يعنى حتى عيد الميلاد مش سايبينا نتهنى بيه
وبعد كده يكبر شويه ويبدأ بقه يكسرلك العابك وياخدها يخبيها كاننا بنلعب عسكر وحراميه
ماهو فاضى بقه ومخه على قده وعاوز يقرفك والسلام
وشويه شويه تلاقيه تخن صوته وطلعلو شعريتين ف شنبوا وتلاقيه فارد دراعاته اللى عامله زى عصايه المقشه ويقولك انا راجل البيت
تك نيله اتنيل انت اخرك بوكس هتقع ف الارض مش هتتحرك من مكانك :icon_eek:
وبعدين يدخل ثانوى ويبص للبنت دى والبت دى وشويه يحب ف دى وشويه يحب ف دى
وهو ياعينى ملوش فى البطيخ بس اهو عشان يعمل قدام صحابه مغامرات وقال ايه الواد مقطع السمكه وديلها
ونجى ع الجامعه ودى بقه حكايتها حكايه
الواد يمشى منزل البنطلون والجيل على شعرو ونظاره الشمس ونص القميص مفتوح ولا كانه عمرو دياب وشويه يقف مع دى وشويه مع دى مش عارفه على ايه ده انت لسه بتاخد المصروف ياواد
وان شاء الله قريب ينزل الجزء الثانى قصدى القنبله التانيه اللى هتدمركم
ويا اما احنا يا اما احنا وانتم فى الباى باى
:D