قضيــــــــــه من قضايا الحـــــب كل اسبوع

الانتقـــــــــــام انواع

فيه انتقام بيكون من الشخص نفسه

وفيه انتقام بيكون من ناس تانيين في صوره الشخص ده


يعني حبوا بعض وافترقوا
راح ينتقم منها هي
سواء بانه مثلا يقول لاهلها علي مسجاتها وصورها و و ...


وفيه بقي حبها وسابته جرحته
راح يشغل بنـــــــات تانيين
وكل واحده مبيحبهاش بس مجرد بينتقم منها في صورة حبيبته


النوعين دول اسوء حاجه ممكن تحصل بجد
لان قبل ما بتضر اي حد
انت الاول بتضر نفسك

طبعا انا بتكلم بالنسبه للولد والبنت كمــــــــان



لو فكرت شويه هتلاقي انك مكسبتش حاجه بالنسبه لاول نوع من الانتقام
مجرد انك فضحت بنت كنت في يوم من الايام بتقلها يا حبيبتي


وبرده في النوع التاني
هتلاقي ان ظلمت نفسك
قبل ما تظلم بنــــــات الناس التانيين




عارفين ايه اشد انواع الانتقام؟؟

العفــــــــــو


هو ده اشد انواع الانتقام هتلاقي الطرف الاول بيقلك طب عاتبني
طب حتي لومني اشتمني
متسامحنيش وتتمنالي السعاده وتحسسني اني مش كويس كده

لكن تلاقي نفسك بتعفو وبس
حتي مش بغرض الانتقــــــــــام


دي مقوله عجبتني اوي


اللي بينسي ويسامح بس يكون عايز ينتقم : شخص ضعيف
اللي بيسامح بس مبينساش بيتناسي ومفيش في نيته غرض الانتقام : شخص حكيم

مستنى ردكم ياجماعه نتظرونا الاسبوع الى جاى والقضيه التانيه

فى فرق طبعا بين الى بنسى و الى بيتنسى الى بينسى ده له حالتين اما يكون ضعيف الشخصيه ومش قادر يواجه الى قدامه او الى قدامه غالى عنده اوى فا بينسى وطبعا احنا عارفين ان النسيان نعمه من عند ربنا وانتى ممن تكون من النوعيه التانيه الى بتنسى علشان الى ادامك غالى عندك اما الى يتنااسى بيبقى قوى الشخصيه وعارف امته يثور وامته يهدى

والان موعدنا مع القضيه التانيه

عايز اتكلم انهرده عن حاجه مهمه جدا وسلبيه جدا في نفس الوقت

وهي

تدخل الاخرين في علاقة اي اتنين ببعض

الموضوع ده بجد شائك جدا ومن اسباب انفصال اي علاقه و من الاسباب المنتشره جدا
اللي بتؤدي للفشل في نهاية المطاف

صحبتي اوي
وده صحبي اوي قريب مني


لازم طبعا هحكيله كل حاجه

كل حاجه حتي ادق التفاصيل .. !!

وده شئ بجد مستفز جدا اااا

يعني علاقة اي اتنين ببعض المفروض بيكون احلي حاجه فيها شوية اسرار كده بينهم

لكن تلاقي كل حاجه متقاله

طبعا الطرف التاني من حقه انه يضايق من كتر الكلام ده


الاهم بقي
ان في اي خناقه
تلاقي طرف من الطرفين بيدخل الناس


وده يوصل كلام ودي تقول كلام تاني


حتي لو اقرب الناس

المشكله ان حتت نقل الكلام نفسها دي مشكله

لان ممكن الجمله تبقي

(( لا ده بيحبك اوي ))

علي ما تروح الناحيه التانيه


(( تبقي ده مش طايقك اصلا و نفسه انك تبعدي عنه ))

ومش معني كده ان صحابك القريبين
عايزين يوقعوا

مش شرط لكن هو ده خط سير نقل الكلام

العيب ده عمتا في ناس كتير
ممكن يكونوا تلقائيين زياده مثلا

او صرحه الي حد ما

او بيحبوا يحكوا مع صحابهم

ماشي كل ده جميل

لكن عند الجد

احلي وسيله

انك تقعدي كده معاه
وانت تقعد معاها

ومشاكلكم تحلوها بينكم

ولا تدخلوا حد ولا تعيدوا ولا تزيدوا


وفعلا ممكن جدا اللي نصل الكلام ده

تلاقيه نقل الكلام لحد تاني

ويبقي مثلا موضوع تافه
تلاقيه علي لسان كل من هب ودب
واللي يسوي واللي ميسواش بقي بيتكلم

لان بطبيعة البني ادمين

فاضيين اصلا مورهمش حاجه
حتي لو مشغولين وشغل 25 ساعه في ال 24 ساعه
برده دايما عندهم وقت للنم والكلام علي الناس
في العاطل والباطل بس

ياريتهم بيتكلموا في المفيد


فيه جمله سمعتها وبجد عجبتني جدا جدا جدا

(( وايه علاقة الناس بحاجه زي كده ؟؟ المهم احنا عرفين خلاص .. ))

صحيح فعلا ايه علاقة الناس بحاجه بين اي اتنين مع بعض
ويعرفوا ليه
ليه ادناهم الاهميه الاوي كده عشان يعرفوا
عشان بس قريبين مننا .. !!

متعرفوش والله ممكن الايام تلف وتكتشفي انك اتخدعت في القريب منك ده
وانه طلع مش اهل للثقه مثلا
طيب ساعتها هيحصل ايه .. ؟؟

مش هينفع ندم ولا ياريت

علاقة اي اتنين ببعض زي علاقة الشجره باوراقها
اي هوا بين الشجره وبين ورقها بيطيرها وبيوقعها
والورق بيدبل علي الارض ويموت

صح والله عندك حق فعلا بتبقى حاجه تخنق بجد وبيقوا هما الاساس فى ان العلاقه تفشل وميرسى ليكى على الرد

ايه المواضيع الجامده دي ىىىىىىىىىىىىىىى جميله جداااااااا تسلم ايدك وافكارك