حكايه اتنين

ازاي يا حبيبي اهون عليك
وتبعد وانا روحي ف ايديك
وتعيش وتروح تحب غيري
وانا قلبي لسه عايش ليك

انا أصلا عمري ما حبيتك
ولا حتى ف يوم اتمنيتك
بطلي اوهام ده كله كلام
قولته ف لحظه ونسيتك

يعني خلاص يا حبيبي مافيش بينا حب
يعني خلاص يا حبيبي احلامنا بقيت كدب
يعني خلاص يا حبيبي هتعيش مع حد غيري
يعني خلاص يا حبيبي وقدرت تنساني

من امتى وانا بافتكرك لما هنساكي
من امتى أنا بحبك أو روحي حساكي
من امتى عشتلك لما هعيش لغيرك
من امتى حلمتلك دي الدنيا وهماكي

يا حبيبي انا مش قادره انساك
يا حبيبي ده انا باحلم بلقاك
وانت يا حبيبي اللي ليا
وانا هافضل مستنياك

استني مهما تستني
حسيني وقربي مني
لكن هتبقي ف الاخر
على قربك بعيده عني

كفايه جروح بقا فيا
كفايا عذاب بقا ليا
هسيبك بس على عيني
وانا يعني ايه اللي باديا

لا ما تعيشيش الدور حوارات افلام قديمه
حب وهوى وغرام وكلام مالوش قيمه
زمن الاحبه ما عادش ده وقته
وان الفراق بعده تبقا حياه أليمه

مرت سنه بعد السنه على القلوب
ورق قلب القاسي ورجع ف حبه يدوب
واهو طبع الزمان ف قلوبنا بيغير
وقسى قلب العاشق من بعده م المحبوب

ورجعتلك ندمان على قسوتي عليكي
املي اشوف لهفتك باينه ف عنيكي
كان نفسي ترجع تاني بيا الايام
وانا كنت اطلع قلبي -من بين ضلوعي- واحطه ف اديكي

وراجعلي قال على فرقه الايام ندمان
وشوق ولهفه كنت باحتاجها زمان
بس الرجوع - ياعيني - جاي متأخر
طب تكفي نقطه تعوض بحر الهجر والحرمان ؟

انا جيت واملي نرجع ايامنا سوا
ونعيش -ياعمري- احلى ايام الهوى
مالقيتش بعدك حد يملالي حياتي
ومكانك لسه فاضي ف قلبي انا

ياحبيبي مش انت قولت زمان الحب ف الافلام
وان غرامي ليك ما يزيدش عن اوهام
وجاي تقولي بحبك بعد ما فاتت الايام
انساني وابعد عني ماعادش فيها كلام

واهي دي كانت حكايه وخلصت ما بين حبيبين
وكل واحد شاف طريقه اختاره من طريقين
دنيا غريبه ما بتجمعش القلوب
لو رق واحد ف لحظه يقسى حد من الاتنين

موضوع رائع يا نونا بس يا ترى ده رد فعل كل بنت؟؟؟
اكيد فيه بنات بتوافق وترجع تانى
ايه رايكم؟؟؟؟؟؟

دا حكايه قلب قاسي حب وباع ودا رد فعله لما حبيبه بيعاتبه

بصي انا من رايي ان بلاش موضوع الكرامه يدخل ف الحب خالص لاننا كتير بنغلط ولما كل حاجه نقول كرامتي كده الحب هينتهي بسرعه وانا رايي الي بيحب بجد بينسا وبيرجهع لحبيبه مها عمل بس الموضوع ميزدش عن حده يعني عشان متبقاش لعبه ف ايد اللي بيحبك

انا كنت برد بس يانونا علي سؤال dr antilove اذا كان دا علي كل البنات ولا لاء لان فعلا في بنات بتنسي زي مابتقولي ودي بتبقي احسن حاجة ومعاكي فيها عشان الحب يستمر وفي برده بنات بتبص لكرامتها قبل اي حاجة