نظام الواحده بواحده

والان موعدنا مع القضيه الخامسه



هنتكلم في قضيتنا انهرده عن مشكله يمكن بتواجه كل طرفين

وهي نظام الواحده بواحده

مثال



احمد : انتى نزلتى ليه النهردة من غير ماتقوليلى ؟؟
منى : الله طب مانت كمان نزلت اول امبارح من غير ماتقولى ولا هوة حلو ليك ووحش ليا ؟؟
احمد : يعنى اى يعنى انتى هتمشيها معايا وحدة بواحدة .. ؟؟
منى : لا مش واحدة بواحدة ولا حاجة بس انت بتعمل كدة ومش عايزنى ازعل يبقى لما انا اعمل كدة انت كمان ماتزعلش منى بقى ..!!
احمد: ياسلااااام !! يعنى انا لو قولتلك انا شربت حشيش امبارح تيجى انتى وتشربى حشيش وتقوليلى هوة حلو ليك ووحش ليا ولا اى يعنى .. ؟؟
منى: لا مش كدة بس عشان تحس بالى بحس بيه بس
احمد : وانتى فكرك يعنى لما تعملى معايا كل حاجة واحدة بواحدة هوة دا الحل .. عموماً براحتك .

مثال اخر ....



منى : انا بجد زعلانه منك جدااااااااا
احمد : لى بس حصل اى !!
منى : انا اتصلت بيك النهردة لا يقل عن 10 مرات وانت مابترودش عليا وقلقتنى عليك اوى وبجد مش عارفة اقولك ايه ..
أحمد : الله !! طب مانا كلمتك امبارح 15 مرة وانتى ماردتيش عليا وماتكلمتش ولا قولتلك حاجة
منى: يا احمد اانا ماكونتش سامعة التلفون
احمد : وانا كمان ماكونش سامع التلفون
منى : الله يعنى هيا كدة يعنى واحدة بواحدة
احمد : لا مش واحدة بواحدة ولا حاجة بس ماتزعليش منى لما اعمل حاجة انتى عملتيها قبل كدة وطلبتى منى انى مازعلش منك فيها
منى : خلاص ماشى يا احمد شكراً بجد وعمتاً انا كنت قلقانه عليك بس وبراحتك يا احمد .


دي مش امثله بس
ده كلام فعلا بيحصل وحقيقي

هتعاملني بطريقه هعاملك زيها


طبعا ده اسلوب غلط جدا في التعامل

لانه هيؤدي في الاخر لفشل زريع

والعلاقه دي هتنتهي ممكن قبل ما تبدا كمان

بص انا عندى راى
ده بيرجع فعلا لذكاء الطرفين وكمان لازم من فتره الاخطوبه يبقى فيه لينز كده حاطينها بيتعاملوا بيها سوى
يعنى انا شايفه ان فيه اكتر من طريقه للتعامل مع الموقف
لان فعلا مش هيؤدى لحل فليه بقى بدل كده كده خسرانين والخساره بن الحبيبين بتبقى خساره عالكل مفيش حد بيكسب
يعنى طرف يعاتب برقه مش بهجوم ويقبل عذر الاخر ولو فى ثقه هيثق بعذره ويتقبله واللطرف التانى يسمعه كويس وحتى لو مش قاصديبقى حريص على ارضاؤه والاهم انه مش يكررها تانى وتنتهى المشكله ويبقى عدينا موقف منمواقف كتير هتقابلنا بدون تراكمات تفضل بينا
اومال بس معنى كلمه احتواء ايه لما هو وهى يتصرفوا كده؟