القضيه الرابعه

الله اكبر المشاكل في الحب اكتر من الكلام في الحب نفسه
ونبي الحب يتحسد كده

[IMG][/IMG]


ندخل في الموضوع

قضيتنا انهرده هنتكلم فيها عن حاجه مهمه اوي
وهي لاقدر الله لو حصل انفصال بين الطرفين
فبيطلب طرف من الاطراف ان الصداقه تستمر بينهم ومتتقطعش العلاقات


متستغربوش ... اه بتحصل

كنا زمان بنقول ازاي يعني
وحب يجي بعديه صداقه ده مينفعش ..
لكن الصداقه بيجي بعديها حب ودي غالبا اللي بتحصل


لكن دلوقتي فعلا ممكن اوي بعد الحب تستمر الصداقه

او بمعني اصدق في التعبير

ان ممكن تستمر العلاقات بينهم

وده في حاله واحده وبس
ان الانفصال يبقي عشان ظروف حصلت او حاجه خارجه عن ارادة الاتنين
يعني الانفصال كان في هدوء ومن غير ما حد من الطرفين يغضب
خلاص حد مش قادر فيهم يكمل
او حد ظروفه مش مساعداه انه يستمر
فايه المانع ان الصداقه بينهم تستمر

هي اكيد مش هتبقي صداقه بمعني الكلمه
مش هيجيوا يحكوا لبعض عن كل حاجه
بس احلي حاجه ان في يوم من الايام هتلاقي قلب كان بيحبك
ممكن تلجاله
مين عارف محدش عارف ايه المستخبي

الله وحده اعلم بكل شئ



لكن لو حصلت خيانه او اي حاجه تانيه ادت للانفصال ده

فاعتقد من الصعب اوي ان تدوم اي علاقه بينهم من اي نوع
لان القلب طلاما دخله جرح فده كفيل بانه يكون حتي مش عايز يسمع اسم اللي قدامه
مش تستمر كمان علاقه صداقه بينهم


بيحصل مثلا بين الفنانين
يقلك انا انفصلت عن خطيبتي لكن مازالت بتجمعنا صداقه جميله
والعيلتين قريبين من بعض وكل شئ تمام

وده يمكن لسببين

اولهم

ان الانفصال كان في هدوء وعلي اقتناع تام ان كل شئ قسمه ونصيب

بناءا علي اي خلاف من اي نوع مثلا
او بناءا علي قرار اتاخد خلاص

فكل شئ قسمه ونصيب

السبب التاني يمكن دي حاجه مش عند الناس العاديين زي وزيك

هي بتبقي اكتر عند المشاهير
المحافظه علي الشكل العام قدام الناس

اننا اهو لسه اصدقاء مفيش حاجه


طبعا حد هيقلي مجرد انه سابني فده لوحده جرح

فهقول اه طبعا ده جرح وتعب قلب
لكن مش هيبقي زي جرح حد فارقك خالص وحتي مش هتقدر تشوفه تاني ولا تكلمه
مش هيكون زي جرح حد خان حد او حد طعن حد في ضهره

ففيه جرح بيفرق عن جرح وفيه جرح بنقدر نداويه وجرح مش بنقدر عليه

في الاخر حبه اقول
متقفلش كل الابواب بينك وبين حد بتحبه
خلي حتي باب واحد موارب

مش يمكن ظروفه اجبرته علي كده

يمكن اي ضغط اجبره علي ده

ويمكن بعد كده الامور تتصلح مين عارف

ميرسى ربنا يخليكى ياربوميحرمنيش منك ابدا

ان من راي ان الحب عمره ما يتحول لصداقه الصداقه هي اللي ممكن تبقا حب بس انا لو مكان الشخص دا عمري ما هكلمه تاني الا ازا كان فعلا انفصال بسبب ظروف خارجه عن اراده الاتنين وف هدوء ومن غير جرح لحد انما اسباب تانيه بقا مش هكلمه تاني لاني كل ما هكلمه هفتكر اللي كان بينا ف يوم من الايام وهفضل طول عمري احبه ومتخيلوش صديق حتي